Informâsi a Gurize

WebRadio

W.R.U si propon tant che lûc formatîf e didatic par ducj i students che a àn voie di confrontâsi cuntun mieç di comunicazion, juste apont la radio, che cun dut che à plui di cent agns di vite e manten dut câs un fassin e une vitalitât intramontabilis; pai students che a vuelin fâ une esperience gnove e une vore formative, e cjapà sù un bagai di cognossincis, sedi teorichis che pratichis, utilis pal mont dal lavôr.

La Web Radio dal  Ateneu e à tant che obietîf ancje il miorament de comunicazion fra i diviers sogjets che a costituissin la realtât universitarie che si concretize intun orghin di informazion svelt e inzornât, sensibil e une vore atent aes necessitâts dai students e di dut il personâl docent; un veicul  ecelent par difondi il stât de art de ricercje sientifiche che cjate, juste dentri dal Ateneu il so cûr pulsant; un strument di comunicazion dinamic simpri viert e interessât a dut ce che al sucêt ancje fûr dai confins de universitât, cun microfons simpri impiâts sul teritori dulintor e su la realtât internazionâl.

Par cualsisei informazion:  http://webradio.uniud.it