Vivi a Gurize

GoUnicardGo

La GoUnicardGo e nas cu la idee di meti adun la domande e la ufierte dai students che a vivin e che a studiin a Gurize cu la propueste comerciâl, artesanâl e di servizi presinte tal nestri teritori comunâl.
I students e il personâl docent des Universitâts di Triest e di Udin cun sede a Gurize a puedin, cun cheste tessare, otignî sconts e trataments personalizâts in plui che gjoldi di ufiertis specifichis inviadis di pueste par cheste iniziative.
GoUnicardGo al è il risultât de sinergjie concrete jenfri i ents publics e i operadôrs economics privâts dal teritori par fâ di Gurize une citât ancjemò plui ospitâl pai students iscrits ai cors de citât.

I students dal prin an che, al moment de iscrizion a àn za fat domande par vê la GoUnicardGo e puedin ritirâ la tessare te lôr Segretarie students.
I students che no le àn ancjemò domandade a puedin inserî i lôr dâts tal modul di pueste, che si pus scjariâ chi sot, e  spedîlu al num. di fax : 0481 536272 o ae direzion di pueste eletroniche: info@consunigo.it.

Une volte ricevude la comunicazion che la lôr GoUnicardGo e je pronte, i students a puedin ritirâle te sede dal Consorzi in vie Morelli n. 39 ducj i MARTARS des 10.00 aes 12.00, consegnant il modul compilât in origjinâl e firmât sul lûc. 

Informazions in detai, model di adesion e liste des buteghis che a cjapin part  ae iniziative:
http://www3.comune.gorizia.it/it/universit%C3%A0-gounicardgo

• Modul di adesion GOUnicardGO

  Documento3.pdf (26.64 kb)